На первую страницу сервера "Русское Воскресение"
Разделы обозрения:

Колонка комментатора

Информация

Статьи

Интервью

Правило веры
Православное миросозерцание

Богословие, святоотеческое наследие

Подвижники благочестия

Галерея
Виктор ГРИЦЮК

Георгий КОЛОСОВ

Православное воинство
Дух воинский

Публицистика

Церковь и армия

Библиотека

Национальная идея

Лица России

Родная школа

История

Экономика и промышленность
Библиотека промышленно- экономических знаний

Русская Голгофа
Мученики и исповедники

Тайна беззакония

Славянское братство

Православная ойкумена
Мир Православия

Литературная страница
Проза
, Поэзия, Критика,
Библиотека
, Раритет

Архитектура

Православные обители


Проекты портала:

Русская ГОСУДАРСТВЕННОСТЬ
Становление

Государствоустроение

Либеральная смута

Правосознание

Возрождение

Союз писателей России
Новости, объявления

Проза

Поэзия

Вести с мест

Рассылка
Почтовая рассылка портала

Песни русского воскресения
Музыка

Поэзия

Храмы
Святой Руси

Фотогалерея

Патриарх
Святейший Патриарх Московский и всея Руси Алексий II

Игорь Шафаревич
Персональная страница

Валерий Ганичев
Персональная страница

Владимир Солоухин
Страница памяти

Вадим Кожинов
Страница памяти

Иконы
Преподобного
Андрея Рублева


Дружественные проекты:

Христианство.Ру
каталог православных ресурсов

Русская беседа
Православный форум


Подписка на рассылку
Русское Воскресение
(обновления сервера, избранные материалы, информация)



Расширенный поиск

Портал
"Русское Воскресение"



Искомое.Ру. Полнотекстовая православная поисковая система
Каталог Православное Христианство.Ру

Литературная страница - Раритет  

Версия для печати

Кирилло-Мефодиевское наследие

Из антологии древнерусской книжной поэзии «Тресветлое солнце»

То, что сегодня определяют словами «Кирилло-Мефодиевское наследие» – это, в самую первую очередь, осуществлённые Солунскими братьями, а также их ближайшими учениками и сподвижниками переводы с греческого на старославянский (церковнославянский) язык библейских текстов Нового и Ветхого Завета, молитв и песнопений годового цикла, постоянно звучащих в церковных службах Православного мира. К этому же наследию принадлежат, естественно, и жития равноапостольных братьев, на страницах которых мы обнаруживаем поэтические опыты их самих или их агиографов. Такова первоначальная и сердцевинная часть великого наследия. Она могла сохраниться до наших дней почти в неприкосновенном виде лишь благодаря тому, что записывалась на пергамене, а позже и на бумаге с помощью созданной братьями славянской азбуки, в фонетических, морфологических и синтаксических формах сотворённого ими же первого в мире литературного языка для общеславянского пользования. Этот священный язык, который иногда в учёной среде по недоразумению называли «мёртвым», уже вторую тысячу лет несёт свою духоносную службу и ныне звучит ежедневно на всех обитаемых континентах земли, являя собою пример поразительной жизнетворческой силы.

 

П С А Л Т Ы Р Ь

 

П с а л о м 1

 

Блажен муж, иже не иде на совет нечестивых,

и на пути грешных не ста,

и на седалищи губителей не седе.

Но в законе Господни воля его,

и в законе Его поучится день и нощь.

И будет яко древо насажденное при исходищих вод,

еже плод свой даст во время свое,

и лист его не отпадет,

и вся, елика аще творит, успеет.

Не тако нечестивии, не тако,

но яко прах, его же возметает ветр от лица земли.

Сего ради не воскреснут нечестивии на суд,

ниже грешницы в совет праведных.

Яко весть Господь путь праведных,

и путь нечестивых погибнет.

 

П с а л о м 3

 

Господи, что ся умножиша стужающии ми?

Мнози востают на мя.

Мнози глаголют души моей:

«Несть спасения ему в Бозе его».

Ты же, Господи, заступник мой еси,

слава моя и возносяй главу мою.

Гласом моим ко Господу воззвах,

и услыша мя от горы святыя Своея.

Аз уснух и спах, востах,

яко Господь заступит мя.

Не убоюся от тем людей,

окрест нападающих на мя.

Воскресни, Господи,

спаси мя, Боже мой,

яко ты поразил еси

вся враждующыя ми всуе;

зубы грешников сокрушил еси.

Господне есть спасение,

и на людех Твоих благословение Твое.

 

П с а л о м  81

 

Бог вста в сонме богов,

посреде же боги разсудит.

«Доколе судите неправду

и лица грешников приемлете?

Судите сиру и убогу,

смирена и нища оправдайте.

Измите нища и убога,

из руки грешничи избавите его.

Не познаша, ниже уразумеша, во тме ходят;

да подвижатся вся основания земли.

Аз рех: бози есте  и сынове Вышняго вси.

Вы же яко человецы умираете:

и яко един от князей падаете.

Воскресни, Боже, суди земли,

яко Ты наследиши во всех языцех».*

 

*Одним из самых замечательных в новой русской поэзии  переложений из «Псалтыри» считается стихотворение Гавриила Державина «Властителям и судиям», вдохновлённое 81-м псалмом. Как бы соревнуясь с древним автором в дерзости, поэт уходит от дословного копирования и позволяет себе куда более  откровенные и выразительные, чем в оригинале, обвинения в адрес  неправедных  земных властодержцев.

 

ВЛАСТИТЕЛЯМ И СУДИЯМ

 

         Восстал Всевышний Бог, да судит

Земных богов  во сонме их;

Доколе, рек, доколь вам будет

Шадить неправедных и злых?

 

Ваш долг есть: сохранять законы,

На лица сильных не взирать,

Без помощи, без обороны

Сирот и вдов не оставлять.

 

Ваш долг: спасать от бед невинных,

Несчастливым подать покров;

От сильных защищать бессильных,

Исторгнуть бедных из оков.

 

Не внемлют! видят – и не знают!

Покрыты мздою очеса:

Злодействы землю сотрясают,

Неправда зыблет небеса.

 

Цари! Я мнил, вы боги властны,

Никто над вами не судья,

Но вы, как я, подобно страстны,

И так же смертны, как  и я.

 

И вы подобно так падете,

Как с древ увядший лист падет!

И вы подобно так умрете,

Как ваш последний раб умрет!

 

Воскресни, Боже! Боже правых!

И их молению внемли:

Приди, суди, карай лукавых

И будь един царем земли!

 

П с а л о м  90

 

Живый в помощи Вышняго,

в крове Бога Небеснаго водворится.

Речет Господеви: «Заступник мой еси

и прибежище мое, Бог мой,

и уповаю на Него».

Яко Той избавит тя от сети ловчи

и от словесе мятежна.

Плещма своима осенит тя,

и под криле Его надеешися;

оружием обыдет тя истина Его.

Не убоишися от страха нощнаго,

от стрелы летящия во дни,

от вещи, во тме преходящия,

от сряща* и беса полуденнаго.

Падет от страны твоея тысяща,

и тма одесную тебе,

к тебе же не приближится.

Обаче очима твоима смотриши,

и воздаяние грешников узриши.

Яко Ты, Господи, упование мое,

Вышняго положил еси прибежище твое.

Не приидет к тебе зло,

и рана не приближится телеси твоему.

Яко Ангелом Своим заповесть о тебе

сохранити тя во всех путех твоих.

На руках возьмут тя,

да не когда преткнеши о камень ногу твою.

На аспида и василиска наступиши

и попереши льва и змия.

«Яко на Мя упова,

и избавлю и, покрыю и,

яко позна имя Мое.

Воззовет ко Мне, и услышу его,

с ним есмь в скорби,

изму его и прославлю его.

Долготою дней исполню его

и явлю ему спасение Мое»

 

* от нападения.

 

П с а л о м 103

 

Благослови, душе моя, Господа.

Господи Боже мой, возвеличился еси зело,

во исповедание и в велелепоту облеклся еси.

Одеяйся светом, яко ризою,

простираяй небо, яко кожу.

Покрываяй водами превыспренняя своя,

полагаяй облаки на восхождение Свое,

ходяй на крилу ветреню.

Творяй ангелы Своя духи

и слуги  Своя пламень огненный.

Основаяй землю на тверди ея,

не преклонится в век века.

Бездна, яко риза, одеяние ея;

на горах станут воды.

От запрещения Твоего побегнут,

от гласа грома Твоего убоятся.

Восходят горы и нисходят поля

в место, еже основал еси им.

Предел положил еси, его же не прейдут,

ниже обратятся покрыти землю.

Посылаяй источники в дебрех,

посреде гор пройдут воды.

Напаяют вся звери сельныя,

ждут онагри в жажду свою.

На тых птицы небесныя привитают,

от среды камения дадят глас.

Напаяяй горы от превыспренних Своих,

от плода дел Твоих насытится земля.

Прозябаяй траву скотом,

и злак на службу человеком,

извести хлеб от земли.

И вино веселит сердце человека,

умастити лице елеем,

и хлеб сердце человека укрепит.

Насытятся древа польская,

кедри ливанстии, ихже еси насадил.

Тамо птицы вогнездятся,

еродиево жилище предводительствует ими.

Горы высокия еленем,

камень прибежище заяцем.

Сотворил есть луну во времена,

солнце позна запад свой.

Положил еси тму, и бысть нощь,

в нейже пройдут вси зверие дубравнии;

скимни рыкающии восхитити

и взыскати от Бога пищу себе.

Возсия солнце, и собрашася,

и в ложах своих лягут.

Изыдет человек на дело свое,

и на делание свое до вечера.

Яко возвеличишася дела Твоя, Господи,

вся премудростию сотворил еси:

исполнися земля твари Твоея.

Сие море великое и пространное,

тамо гади, ихже несть числа,

животная малая с великими.

Тамо корабли преплавают,

змий сей, егоже создал еси ругатися ему.

Вся к Тебе чают,

дати пищу им во благо время.

Давшу Тебе им, соберут,

отверзшу Тебе руку,

всяческая исполнятся благости.

Отвращшу же Тебе лице, возмятутся,

отимеши дух их, и исчезнут,

и в персть  свою возвратятся.

Послеши Духа Твоего, и созиждутся,

и обновиши лице земли.

Буди слава Господня во веки,

возвеселится Господь  о делех своих.

Призираяй на землю и творяй ю трястися,

прикасаяйся горам, и дымятся.

Воспою Господеви в животе моем,

пою Богу моему, дондеже есмь.

Да усладится Ему  беседа  моя,

аз же возвеселюся о Господе.

Да исчезнут грешницы от земли,

и беззаконницы, якоже не быти им.

Благослови, душе моя, Господа.

 

П с а л о м 150

 

Хвалите Бога во святых Его,

хвалите Его во утверждение силы Его,

хвалите Его на силах Его,

хвалите Его по множеству величествия Его,

хвалите Его в гласе трубнем,

хвалите Его во псалтири и гуслех,

хвалите Его в тимпане и лице,

хвалите Его в струнах и органе.

хвалите Его в кимвалех доброгласных,

хвалите Его в кимвалех восклицания.

Всякое дыхание да хвалит Господа.

 

ЕВАНГЕЛИСТЫ

 

Господня  молитва

 

Отче наш, иже еси на небесех,

да святится имя Твое,

да приидет Царствие Твое,

да будет воля Твоя

яко на небеси и на земли.

Хлеб наш насущный даждь нам днесь

и остави нам долги наша,

яко и мы оставляем должником нашим.

И не введи нас во искушение,

но избави нас от лукаваго.

Яко Твое есть  Царствие и сила, и слава

во веки. Аминь.

 

                         Евангелие от Матфея, 6, 9-13

 

Из  «Нагорной  проповеди»

 

Блажени нищии духом,

яко тех есть Царствие Небесное.

 

Блажени плачущии,

яко тии утешатся.

 

Блажени кротции,

яко тии наследят землю.

 

Блажени алчущии и жаждущии правды,

яко тии насытятся.

 

Блажени милостивии,

яко тии помиловани будут.

 

Блажени чистии сердцем,

яко тии Бога узрят.

 

Блажени миротворцы,

яко тии сынове Божии нарекутся.

 

Блажени изгнани правды ради,

яко тех есть Царствие Небесное.

 

Блажени есте,

егда поносят вам и ижденут

и рекут всяк зол глагол на вы,

лжуще Мене ради;

 

радуйтеся и веселитеся,

яко мзда ваша многа не небесех.

 

                        Евангелие от Матфея, 5, 3-12

 

Древо  доброе

 

… Внемлите же от лживых пророк,

иже приходят к вам в одеждах овчих,

внутрь же суть волци хищницы.

 

От плод их познаете их.

Еда* обемлют от терния грозды

или от репия смоквы?

 

Тако всяко древо доброе

плоды добры творит,

а злое древо

плоды злы творит.

 

Не может древо добро

плоды злы творити,

или древо зло

плоды добры творити.

 

Всяко убо древо,

еже не творит плода добра,

посекают е и во огнь вметают.

 

Темже убо от плод их

познаете их.

 

               Евангелие от Матфея, 7, 15-20.

* разве

 

Овцы  и  козлища

 

Егда же приидет Сын Человеческий

во славе Своей,

и вси святии Ангели с Ним,

тогда сядет на престоле славы Своея,

и соберутся пред Ним вси языцы,

и разлучит их друг от друга,

якоже пастырь разлучает

овцы от козлищ;

и поставит овцы одесную Себе,

а козлища ошуюю.

 

Тогда речет Царь

сущим одесную Его:

«Приидите, благословеннии Отца  Моего,

наследуйте уготованное вам царствие

от сложения мира:

взалкахся бо, и дасте Ми ясти,

возжаждахся, и напоисте Мя,

странен бех, и введосте Мене;

наг, и одеясте Мя,

болен, и посетисте  Мене,

в темнице бех, и приидосте ко Мне».

 

Тогда отвещают Ему праведницы,

глаголюще: «Господи!

когда Тя видехом алчуща и напитахом,

или жаждуща и напоихом?

когда  же Тя видехом

странна и введохом

или нага и одеяхом?

когда же Тя видехом

боляща или в темнице

и приидохом к Тебе?»

И отвещав Царь речет им:

«Аминь, глаголю вам:

понеже сотвористе единому

сих братий Моих менших,

мне сотвористе».

 

Тогда речет к сущим ошуюю Его:

«Идите от Мене, проклятии,

 во огнь вечный,

уготованный дьяволу

и ангелом его:

взалкахся бо,

и не дасте Ми ясти,

возжаждахся,

и не напоисте Мене;

странен бех, и не введосте Мене,

наг, и не одеясте Мене,

болен и в темнице,

и не посетисте Мене».

Тогда отвещают Ему и тии,

глаголюще: «Господи!

когда Тя видехом алчуща

или жаждуща, или странна,

или нага, или больна,

или в темнице

и не послужихом Тебе?»

Тогда отвещает им, глаголя:

«Аминь, глаголю вам,

понеже не сотвористе

единому сих менших,

ни мне сотвористе».

И идут сии в муку вечную,

праведници же в живот вечный.

 

                   Евангелие от Матфея, 25, 31-46.

 

Близ  есть,  при дверех

 

… Иисус же, отвещав им,

начат глаголати:

«Блюдитеся,

да не кто вас прельстит;

мнози бо приидут во имя Мое,

глаголюще, яко Аз есмь,

и многи прельстят.

Егда же услышите брани

и слышания бранем,

не ужасайтеся:

подобает бо быти,

но не у кончина.

Востанет бо язык на язык,

и царство на царство;

и будут труси по местом,

и будут глади и мятежи.

Начало болезнем сия.

Блюдитеся же вы сами:

предадят бо вы в сонмища,

и на соборищих биени будете,

и пред воеводы и цари

ведени будете Мене ради,

во свидетельство им.

И во всех языцех подобает прежде

проповедатися Евангелию.

Егда же поведут вы предающе,

не прежде пецытеся,

что возглаголете, ни поучайтеся,

но еже аще дастся вам в той час,

се глаголите:

не вы бо будете глаголющии,

но Дух Святый.

Предаст бо брат брата на смерть,

и отец чадо;

и востанут чада на родители

и убиют их.

И будете ненавидими всеми

имени Моего ради;

претерпевый же до конца,

той спасен будет.

 

Егда же узрите мерзость запустения,

реченную Даниилом пророком,

стоящу, идеже не подобает,-

чтый да разумеет,-

тогда сущии во Иудеи

да бежат на горы;

и иже на крове,

да не слазит в дом,

ни да внидет взяти чесо

от дому своего;

и иже на селе сый,

да не возвратится вспять

взяти ризу свою.

Горе же непраздным

и доящим в тыя дни.

Молитеся же,

да не будет бегство ваше в зиме.

Будут бо дние тии скорбь,

якова не бысть такова

от начала создания,

еже созда Бог, доныне,

и не будет.

И аще не бы Господь прекратил дний,

не бы убо спаслася всяка плоть;

но избранных ради, ихже избра,

прекратит дни.

Тогда аще кто речет вам:

«Се, зде Христос»

или: «Се, онде»-

не имите веры.

Востанут бо лжехристи и лжепророци

и дадят знамения и чудеса,

еже прельстити, аще возможно,

и избранныя.

Вы же блюдитеся.

Се прежде рех вам вся.

Но в тыя дни, по скорби той,

солнце померкнет,

и луна не даст света своего;

и звезды будут с небесе спадающа,

и силы, яже на небесех, подвижутся.

И тогда узрят  Сына  Человеческаго,

грядуща на облацех

с силою и славою многою.

И тогда послет Ангелы Своя

и соберет избранныя Своя

от четырех ветр,

от конца земли до конца неба.

От смоковницы же научитеся притчи:

егда уже ветвие ея будет младо

и изращает листвие,

ведите, яко близ есть жатва.

Тако и вы, егда сия видите бывающа,

ведите, яко близ есть, при дверех.

Аминь, глаголю вам,

яко не имать прейти род сей,

дондеже вся сия будут.

Небо и земля прейдет,

словеса же Моя не прейдут.

О дни же том или о часе

никтоже весть,

ни Ангели, иже суть на небесех,

ни Сын, токмо Отец.

Блюдите, бдите и молитеся;

не весте бо, когда время будет;

якоже человек, отходя,

оставль дом свой,

и дав рабом своим власть,

и комуждо дело свое,

и вратарю повеле, да бдит.

Бдите убо, не весте бо,

когда господь дому приидет,

вечер или полунощи,

или в петлоглашение,

или утро;

да не пришед внезапу,

обрящет вы спящя.

А аще вам глаголю,

всем глаголю: «Бдите».

 

                  Евангелие от Марка, 13, 5-37.

 

Величит  душа  моя  Господа

 

И рече Мариам:

«Величит душа моя Господа,

и возрадовася дух мой

о Бозе, Спасе моем;

 

яко призре на смирение рабы Своея;

се бо отныне ублажат мя вси роди;

яко сотвори мне величие Сильный,

и свято  имя Его.

 

И милость его в роды родов

боящимся Его.

Сотвори державу мышцею Своею;

расточи гордыня мыслию сердца их.

 

Низложи сильныя со престол,

и вознесе смиренныя.

Алчущыя исполни благ,

и богатящыяся отпусти тщы».

 

                               Евангелие от Луки, 1, 46-53.

 

Дайте,  и  дастся  вам

 

Блажени нищии духом,

яко ваше есть Царствие Божие.

 

Блажени алчущие ныне,

яко насытитеся,

Блажени плачущие ныне,

яко возсмеетеся.

 

Блажени будете,

егда возненавидят вас человецы,

и егда разлучат вас и поносят,

и пронесут имя ваше яко зло,

Сына Человеческаго ради.

 

Возрадуйтеся в той день и взыграйте,

се бо мзда ваша многа на небеси;

по сим бо творяху пророком отцы их.

 

Обаче горе вам, богатым,

яко отстоите утешения вашего.

Горе вам, насыщеннии ныне,

яко взалчете.

Горе вам, смеющимся ныне,

яко возрыдаете и восплачете.

 

Горе, егда добре рекут вам

вси человецы,

по сим бо творяху лжепророком

отцы их.

 

Но вам глаголю, слышащым:

любите враги ваша,

добро творите ненавидящым вас.

Благословите кленущыя вы

и молитеся за творящих вам обиду.

Биющему тя в ланиту,

подаждь и другую;

и взимающаго ти ризу,

и срачицу не возбрани.

Всякому же просящему у тебе, дай;

и от взимающаго твоя, не истязуй.

И якоже хощете да творят вам человецы,

и вы творите им такожде.

 

И аще любите любящыя вы,

кая вам благодать есть?

ибо и грешницы

любящыя их любят.

И аще благотворите

благотворящим вам,

кая вам благодать есть?

ибо и грешницы тожде творят.

И аще взаим даете,

от них же чаете восприяти,

кая вам благодать есть?

ибо и грешницы грешником

взаим давают,

да восприимут равная.

 

Обаче любите враги ваша,

и благотворите,

и взаим дайте ничесоже чающе,

и будет мзда ваша многа,

и будете сынове Вышняго,

яко Той благ есть

на безблагодатныя и злыя.

Будите убо милосерди,

яко же и Отец ваш милосерд есть.

 

И не судите, и не судят вам;

и не осуждайте,

да не осуждени будете;

отпущайте, и отпустят вам.

Дайте, и дастся вам:

меру добру, наткану

и потрясну и преливающуся

дадят на лоно ваше.

Тою же мерою, ею же мерите,

возмерится вам.

 

                              Евангелие от Луки, 6, 21-38.

 

В  начале  бе  Слово

 

В начале бе Слово,

и Слово бе к Богу,

и Бог бе Слово.

Сей бе искони к Богу.

Вся Тем быша,

и без Него ничтоже бысть,

еже бысть.

В Том живот бе,

и живот бе свет человеком.

И свет во тме светится,

и тма его не объят.

 

Бысть человек послан от Бога,

имя ему Иоанн.

Сей прииде во свидетельство,

да свидетельствует о свете,

да вси веру имут ему.

Не бе той свет,

но да свидетельствует о свете.

 

Бе свет истинный,

иже просвещает всякаго человека,

грядущаго в мир.

В мире бе,

и мир Тем бысть,

и мир Его не позна.

Во своя прииде,

и свои Его не прияша.

Елицы же прияша Его,

даде им область

чадом Божиим быти,

верующым во имя Его,

Иже не от крове,

ни от похоти плотския,

ни от похоти мужеския,

но от Бога родишася.

 

И Слово плоть бысть,

и вселися в ны,

и видехом славу Его,

славу яко единороднаго от Отца,

исполнь благодати и истины.

Иоанн свидетельствует о Нем,

и воззва глаголя:

«Сей бе, Его же рех,

иже по мне грядый,

предо мною бысть,

яко первее мене бе.»

 

И от исполнения Его

мы вси прияхом

и благодать возблагодать.

Яко закон Моисеом дан бысть,

благодать же и истина

Иисус Христом бысть.

 

                              Евангелие от Иоанна, 1, 1-17.

 

ИЗ  «АПОСТОЛА»

 

Бог  есть  любовь

 

…Возлюбленнии, возлюбим друг друга,

яко любы* от Бога есть,

и всяк любяй

от Бога рожден есть

и знает Бога.

 

А не любяй, не позна Бога,

яко Бог любы есть.

 

О сем явися любы Божия в нас,

яко Сына Своего единороднаго

посла Бог в мир,

да живи будем Им.

 

О сем есть любы,

не яко мы возлюбихом Бога,

но яко Той возлюби нас

и посла Сына своего

очищение о гресех наших.

 

Возлюбленнии,

аще сице возлюбил есть нас Бог,

и мы должны есмы

друг друга любити.

 

Бога никтоже нигдеже виде.

Аще друг друга любим,

Бог в нас пребывает,

и любы Его совершенна

есть в нас.

 

О сем разумеем,

яко в нем пребываем,

и Той в нас,

яко от Духа Своего

дал есть нам.

 

И мы видехом и свидетельствуем,

яко Отец посла Сына,

Спасителя миру.

 

Иже аще исповесть,

яко Иисус есть Сын Божий,

Бог в нем пребывает,

и той в Бозе.

 

И мы познахом и веровахом любовь,

юже имать Бог к нам.

Бог любы есть,

и пребываяй в любви,

в Бозе пребывает,

и Бог в нем пребывает.

 

О сем совершается любы с нами,

да дерзновение имамы в день судный,

зане, якоже Он есть,

и мы есмы в мире сем.

 

Страха несть в любви,

но совершенна  любы

вон изгоняет страх,

яко страх муку имать.

Бояйся же

не совершися в любви.

 

Мы любим Его,

яко Той первее

возлюбил есть нас.

 

Аще кто речет,

яко люблю Бога,

 а брата своего ненавидит,

ложь есть;

ибо не любяй брата своего,

его  же виде,

Бога, Его же не виде,

како может любити?

 

И сию заповедь имамы от Него,

да любяй Бога

любит и брата своего.

 

Апостол и евангелист Иоанн  Богослов

1-е соборное послание, 4, 7-21

_________________________________

* любы – любовь.

 

Вера, Надежда, Любовь…

 

Аще языки человеческими глаголю

и ангельскими,

любве же не имам,

бых яко медь звенящи

или кимвал звяцаяй.

И аще имам пророчество

и вем тайны вся и всяк разум,

и аще имам всю веру,

яко и горы преставляти,

любве же не имам,

ничтоже есмь.

И аще раздам вся имения моя,

и аще предам тело мое,

во еже сжещи е,

любве же не имам,

никая польза ми есть.

 

Любы долготерпит,

милосердствует,

любы не завидит,

любы не превозносится,

не гордится,

не безчинствует,

не ищет своих си,

не раздражается,

не мыслит зла,

не радуется о неправде,

радуется же о истине;

вся любит,

всему веру емлет,

вся уповает,

вся терпит.

 

Любы николиже отпадает,

аще же  пророчествия упразднятся,

аще ли языцы умолкнут,

аще разум испразднится.

От части бо разумеваем

и от части пророчествуем;

егда же приидет совершенное,

тогда, еже от части, упразднится.

Егда бех младенец,

яко младенец глаголах,

яко младенец мудрствовах,

яко младенец смышлях,

егда же бых муж,

отвергох младенческая.

Видим убо ныне

якоже зерцалом в гадании,

тогда же лицем к лицу;

ныне разумею от части,

тогда же познаю,

якоже и познан бых.

 

Ныне же пребывают

вера, надежда, любы, три сия;

больше же сих любы.

 

            Апостол Павел, 1-е послание к Коринфянам, 13.

 

При  последней  трубе

 

… Не всяка плоть та же плоть;

но ина убо плоть человеком,

ина же плоть скотом,

ина же рыбам,

ина же птицам.

 

И телеса небесная,

и телеса земная;

но ина убо небесным слава,

и ина земным.

Ина слава солнцу

и ина слава луне,

и ина слава звездам;

звезда бо от звезды

разнствует во славе.

 

Такожде и воскресение мертвых:

сеется в тление,

востает в нетление.

Сеется не в честь,

востает в славе;

сеется в немощи,

востает в силе.

Сеется тело душевное,

востает тело духовное,

есть тело душевное

и есть тело духовное.

 

Тако и писано есть:

бысть первый человек Адам

в душу живу,

последний Адам –

в дух животворящ.

Но не прежде духовное,

но душевное,

потом же духовное.

Первый человек от земли, перстен;

вторый человек – Господь с небесе.

Яков перстный,

такови и перстнии,

и яков небесный,

тацы же и небеснии.

И якоже облекохомся

во образ перстнаго,

да облечемся

и во образ небеснаго.

Сие же глаголю, братие,

яко плоть и кровь

Царствия Божия наследити не могут,

ниже тление нетления наследствует.

 

Се тайну вам глаголю:

вси бо не успнем,

вси же изменимся.

Вскоре, во мгновение ока,

в последней трубе;

вострубит бо,

и мертвии востанут нетленнии,

и мы изменимся.

Подобает бо тленному сему

облещися в нетление,

и мертвенному сему

облещися в безсмертие.

Егда же тленное сие

облечется в нетление,

и смертное сие

облечется в безсмертие,

тогда будет слово написанное:

«Пожерта бысть смерть победою».

«Где ти, смерте, жало?

где ти, аде, победа?»

Жало же смерти – грех;

сила же греха – закон.

 

Богу же благодарение,

давшему нам победу

Господем нашим Иисус Христом.

 

             Апостол Павел, 1-е послание к Коринфянам, 15, 39-57

 

ИЗ «МОЛИТВОСЛОВА»

 

Современники и ученики Кирилла и Мефодия свидетельствуют, что братья, трудясь над созданием первоначального литературного языка славян, перевели с греческого не только «Евангелие», «Апостол», «Псалтырь», но и другие книги, входящие в христианский канон Библии. И  все же славянская  Церковь  после этого ещё не вполне «заговорила». Нужно было, не промедляя, переводить и многочисленные молитвенные (гимнографические) тексты, которые создавались уже после евангелистов и апостолов, по мере роста и утверждения в мире новой веры. И, конечно, по мере становления чина литургического действа – центральной службы Церкви. Всё это была область творчества авторов, которых относят к «отцам Церкви». Среди них в первую очередь нужно назвать Василия Великого, Иоанна  Златоуста, Григория Богослова, (IV – начало V в.), а из более поздних  Романа Сладкопевца, Ефрема Сирина, Андрея Критского, Иоанна Дамаскина и многих других. Из этой среды вышли не только великие богословы, но и гении христианской религиозной поэзии.

 

ЕФРЕМ СИРИН

 (IV в.)

 

Великопостное  покаяние

 

Господи и Владыко живота моего,

дух праздности, уныния,

любоначалия и празднословия

не даждь ми.

 

Дух же целомудрия,

смиренномудрия,

терпения и любве

даруй ми, рабу Твоему.

 

Ей, Господи,

даруй ми зрети моя прегрешения

и не осуждати брата моего,

яко благословен еси

во веки веков. Аминь.*

 

* Великопостная молитва Ефрема Сирина  спустя многие века вдохновила  А.С.Пушкина на стихотворные строки, в которых древняя монашеская песнь, написанная первоначально на  сирийском языке (диалект арамейского, на котором говорил Иисус Христос), зазвучала по-русски. Достойно внимания, с какой бережностью  Пушкин отнесся к смыслу и даже букве  кирилло-мефодиевского перевода.

 

Отцы пустынники и жены непорочны,

Чтоб сердцем возлетать во области заочны,

Чтоб укреплять его средь дольних бурь и битв,

Сложили множество божественных молитв;

Но ни одна из них меня не умиляет,

Как та, которую священник повторяет

Во дни печальные Великого поста;

Всех чаще мне она приходит на уста

И падшего крепит неведомою силой:

Владыко ней моих! дух праздности унылой,

Любоначалия, змеи сокрытой сей,

И празднословия не дай душе моей,

Но дай мне зреть мои, о Боже, прегрешенья,

Да брат мой от меня не примет осужденья,

И дух смирения, терпения, любви

И целомудрия мне в сердце оживи.

 

 

ИОАНН ДАМАСКИН

(конец VII в. – до753 г.)

 

СТИХИРЫ ПАСХИ

 

 

Да воскреснет Бог

и расточатся врази Его.

 

Пасха священная нам днесь показася,

Пасха нова, святая,

Пасха таинственная,

Пасха всечестная,

Пасха Христос Избавитель,

Пасха непорочная,

Пасха великая,

Пасха верных,

Пасха, двери райские нам отверзающая,

Пасха, всех освящающая верных.

 

Яко исчезает дым, да исчезнут.

 

Приидите от видения жены благовестницы,

и Сиону рцыте:

приими от нас радости

благовещения воскресения Христова;

красуйся, ликуй

и радуйся, Иерусалиме,

царя Христа узрев из гроба,

яко жениха, происходяща.

 

Тако да погибнут грешницы от лица Божия,

а праведницы да возвеселятся.

 

Мироносицы жены

утру глубоку

представша гробу Жизнодавца,

обретоша Агнела на камени седяща,

и той, просвещав им,

сице глаголаше:

что ищете Живаго с мертвыми?

Что плачете Нетленнаго во тли?

Шедше проповедите учеником Его.

 

Сей день, егоже сотвори Господь,

возрадуемся и возвеселимся в онь.

 

Пасха красная,

Пасха, Господня  Пасха!

Пасха всечестная нам возсия!

Пасха!

Радостию друг друга обымем!

О, Пасха!

Избавление скорби,

ибо из гроба днесь

яко от чертога

возсияв Христос,

жены радостию исполни, глаголя:

проповедите апостолом.

 

Слава Отцу и сыну и Святому Духу

ныне и присно и во веки веков. Аминь.

 

Воскресения день,

и просветимся торжеством,

и друг друга обымем,

рцем, братие,

и ненавидящим нас,

простим вся воскресением,

и тако возопиим:

 

Христос   воскресе  из   мертвых,

смертию   смерть   поправ

и   сущим   во   гробех  

живот   даровав.

 

КИРИЛЛ ФИЛОСОФ

(827-869)

 

В 1858 году русский ученый-славяновед Александр Гильфердинг обнаружил в сербском монастыре Печская Патриаршия рукописное четвероевангелие ХIV века с древним стихотворным предисловием. В том же году находка была опубликована в Москве под названием «Предисловие св. Кирилла, просветителя Славянского к переводу евангелия». Позже другими русскими исследователями были найдены еще три старинных списка знаменитого «Прогласа», который считается первым оригинальным стихотворением на старославянском языке. Средневековая рукописная традиция не знала разбивки стихотворного текста на отдельные строки. Применив такую разбивку к «Прогласу»,  насчитали  110 строк, с обязательной паузой (цезурой) после пятого или седьмого слога, – свидетельство того, что автор равнялся на  каноны византийской гимнографической школы. Содержанием своим стихотворение Кирилла обращено к совершенно новой читательской среде – к славянскому миру, обретающему новую веру.

Здесь печатается отрывок из начальной части «Прогласа».

 

Яко пророци прорекли суть прежде,

Христос грядет собрати языки,

свет бо есть всему миру сему.

Реша бо они: слепии прозрят,

глуси слышат слово буквенное,

Бога же убо познати достоит.

 

Того же деля слышите Словене вси.

Дар бо есть от Бога се дан,

дар Божий есть десныя части.

Дар душам николиже тлея,

душам тем, еяже и приимут.

Матфей, Марк, Лука  и Иоанн

учат весь народ, глаголюще:

Елико убо душам си лепоту

радуете ся видети и любите,

греховную тьму отогнати

и мира сего тлю отложити,

и райское житие преобрести,

и избежати от огня горюща.

Внемлите ны от своего ума,

слышите убо, народи Словеньсти,

слышите  Слово, от Бога бо приде.

Слово же кормя чловеческыя душя,

Слово же крепя и сердце и ум,

Слово готовя вся Бога  познати...

 

ИЗ «ЖИТИЯ КИРИЛЛА»

(после 869 г.)

Образцы оригинального  поэтического творчества Кирилла Философа содержатся и в тексте  посвященного его памяти  «Жития». Это две короткие молитвы, написанные отроком Константином ещё до отъезда из родной Солуни на учебу в столицу Византии, а также  молитва, которую он сочинил в Риме, незадолго до своей  кончины.

 

Похвала Григорию Богославу

 

О Григорие, телом человече, а душею ангеле,

ты бо телом человек сый, ангел явися.

Уста бо твоя,  яко един от серафим,

Бога прославляют

и всю вселеную просвещают

правыя веры казанием.

Тем же и мене,

припадающа к тебе любовию и верою,

приими и буди ми просветитель и учитель.

 

 

Боже отец наших

 

Боже отец наших и Господи милостиве,

иже еси сотворил всяческая словом

и премудростию Твоею создав человека,

да владеет сотворенными Тобою тварьми,

даждь ми сущую вскрай престол Твоих  премудрость,

да разумев, что есть угодно Тебе, спасуся.

Аз бо есмь раб Твой и сын рабыни Твоея.

Аминь.

 

Предсмертная молитва

 

Господи Боже мой,

иже еси ангельския вся чины

и бесплотныя составль силы

и небо распный, и землю основал,

и вся сущая от небытия в бытие привед,

иже еси всегда везде послушал

творящих волю Твою,

боящихся Тебе

и хранящих заповеди Твоя,

послушай моея молитвы

и верное Твое стадо сохрани,

ему же мя бе приставил,

неключимаго и недостойнаго раба Твоего.

Избавляа вся 

от всякыя безбожныа и поганьскыа злобы,

и от всякаго многоречиваго

и хульнаго еретичьскаго языка,

глаголющаго на Тя хулу,

погуби триязычную ересь

и возрасти церковь Свою множьством

и вся в единодушие совокупль,

сотвори изрядны люди,

единомысляща о истинней вере Твоей

и правем исповедании,

вдохни же в сердца их

слово Твоего учения,

Твой бо есть дар.

Аще ны еси приял недостойныя

на проповедание ему евангелия Христа Твоего,

острящаяся на добрая дела

и творящаа угодная Тебе,

еже мне бе дал,

яко Твое и Тебе предаю я.

Устрои я сильною Твоею десницею,

покрывай я кровом крилу Твоею,

да вси хвалят и славят имя Твое,

Отца и Сына и Святаго Духа во векы.

Аминь.

 

* П.А.Лавров. Материалы по истории возникновения древнейшей славянской письменности.

 

ИЗ  «ЖИТИЯ МЕФОДИЯ»

(после 885 г.)

 

Стихотворные отрывки из «Жития блаженнаго отца нашего и учителя Мефодия, архиепископа Моравска» печатаются здесь  по тексту знаменитого «Успенского сборника», созданного  русскими книжниками в конце ХII или начале ХIII в. Кто был автором жития, установить с достаточной точностью не удаётся, но, скорее всего, писал его кто-то из ближайших учеников солунских братьев (Климент Охридский? Наум? Ангеларий?) В любом случае, оно составлялось не по-гречески, а  на только что созданном литературном языке славян (так же, как и Житие Кирилла, написанное вскоре после кончины младшего из братьев). Итак, перед нами – самые первые, после «Прогласа», дошедшие до нас оригинальные художественные произведения славянской письменности, по праву принадлежащие всем славянским народам, в том числе и русскому. Это само по себе замечательное обстоятельство позволяет нам без всякого насилия над хронологией отодвинуть начало древнерусской письменности с ХI к началу Х или даже концу IХ столетия. Разумеется, не сразу привыкаешь к  такому историческому парадоксу: собственно русских авторов ещё не видно и не слышно, а литература, в том числе, и поэзия Древней Руси уже народилась!

 

Кончина Кирилла

 

… По днех же мнозех

Философ, на суд грядый,

рече к Мефодию, брату своему:

«Се, брате, две супруга бяхове,

едину бразду тяжаща,

и аз на лесе падаю,

свои день скончав,

а ты любиши гору велми,

то не мози горы ради

оставити учения своего».

 

 

Моравия прощается с Мефодием

 

… И положиша и в соборней церкви,

и приложися к отцем своим,

и патриархом,

и пророком,

и апостолом,

учителем,

мучеником.

Люди же бесчислен  народ собрав ся,

проважаху со свещами плачущеся

добра учителя и пастыря,

мужеск пол и женьск,

малии и велиции,

богатии и убозии,

свободнии и раби,

вдовиця и сироты,

страньнии и тоземьци,

недужнии и здравии,

вси бывшааго всяческо в сем,

да бы вся приобрел.

Ты же свыше,

святая и честная главо,

молитвами своими призирай на ны,

желающая тебе избавляй

от всякоя напасти,

ученикы своя  и учение пространяя,

а ереси прогоняя,

да достойно звания вашего

живше зде,

станем с тобою твое стадо

о десную страну Христа Бога нашего,

вечную жизнь приемлюще от Него,

Тому же есть слава и честь

в векы веком.

Аминь.

Составитель Юрий Лощиц


 
Поиск Искомое.ru

Приглашаем обсудить этот материал на форуме друзей нашего портала: "Русская беседа"